काठमाडौँ लाखौ मान्छे करोडौ सपनाको पोको लिएर
बाँचेको शहर । सबका आफ्ना आफ्नै सपना छन अनि सपना पुरा गर्ने
एकल दौड,यहाँ सब बिस्तारै बिस्तारै आफ्नो सपनको पोको सके सम्म धेरै खोल्न चाहन्छन । र, यहि क्रम मा
आफ्नै देखि टाढा हुन्छन संगै रहेर । त्यसैले त
काठमाडौँलाइ आरोप लाग्छ आफ्नै देखि बिरानो बनाइदियो भनेर । त्यस्तै सपना को पोको बोकेर राजधानी छिरेका तिन
दिदि भाइ को कथा हिजो राष्ट्रियसभा गृहमा हेरियो ।
नेपाल पानोरमा अन्तर्गत काठमाडौँ अन्तर्राष्ट्रिय
पर्वतीय फिल्म महोत्सव (किम्फ) २०१३ को उद्घाटन सत्रमा
प्रिमिएर गरिएको साहारा शर्मा निर्देशित चलचित्र चेजिङ रेन्बोज हिजो मात्र हेर्ने मौका जुर्यो ।
सुनेको भन्दा धेरै राम्रो लग्यो चलचित्र अनि कलाकारको
जिबन्त अभिनय।
९० मिनेट लामो फिल्मले पढेर आफ्ना सपना पुरा गर्न राजधानी छिरेका तिन दाजु बहिनिको
अभावपूर्ण कथा बोलेको छ । सिमित खर्च असिमित रहर अनेकौ चाहना र सपनाहरु बोकेर राजधानी
छिर्ने सबै मध्यम र निम्न मध्यमबर्गीय बिद्यार्थी पुस्ताको कथा हो चेजिङ रेन्बोज ।
दिदि,भाइ अनि बहिनि राजधानिमा २ वटा कोठा लिएर
बस्छन, तिन जनाकै अलग अलग सपना आफ्नै आफ्नै गन्तब्य । तर एकअर्काका सपना प्रति नितान्त अन्जान । कलेज पढ्ने लगभग
एकै उमेर समूहका उनीहरु को कुरा नमिल्ने पनि
होइन तर तिनै जना एक्लै एक्लै इन्द्रेणीको खोजिमा छन ।
तिनै जनाको साझा सपना नभएका पनि होइनन,कोठामा
टीभी राख्ने दाइलाइ बाइक किनिदिने,सोफा सेट किन्ने लगायत सपना पुरा गर्न सके सम्म
कम खर्च गर्ने र कहिले कहिँ खाजा समेत नखाई बचत गर्ने बानीबसालेका छन उनीहरुले ।
कलेज पढ्दै प्रेममा परेकी दिदि प्रेमीको यौन
दुर्ब्यबहार सहन बाध्य हुन्छिन । भाइ परिक्ष्यामा
फेल हुन्छ आफ्नो रिजल्ट गाउमा बुबालाइ भन्न सक्दैन बरु आत्महत्याको प्रयासमा लाग्छ
घरि पोलिथिनले मुख छोपेर घरि ट्यावलेट खाएर त कैले पासो लगाएर । कान्छी
बहिनीको अमेरिकन ड्रिमले डिभी भरेर अमेरिका जान खोज्ने पुस्ताको कथाको प्रतिनिधित्व
गर्छ । फिल्मले बेला
बेला खित्का छोडेर हसाउछ भने कुनै बेला सोच्न बाध्य बनाउछ ।
प्रेम,यौन,अमेरिकन ड्रिम,पढाईमा राम्रो गर्नु
पर्ने पारिबारिक दवाब, राजधानीको अभावपूर्ण जीवन,आजका युवाका साझा कथा हुन् । यिनै सेरोफेरोमा रहेर बनेको चलचित्रले युवाले
भोगेको मनोगत र सामाजिक द्वन्द लाइ उत्कृस्ट रुपमा देखाएको छ ।
पुरै चलचित्र मलाई आफ्नो अनि आफ्ना साथीहरुको
कथा जस्तै लग्यो । कतिको बिगत र धेरै युवा को वर्तमान हो चेजिङ रेन्बोज ।
image : google.com
0 comments:
Post a Comment